धान भित्रयाउन खेतबाट धान, पराल आउँदै गरेको एक मिनिट्रक शनिबार साँझ दुर्घटनाहुँदा लहरेपौवा गाविसको पैरेबेशी नजिकै खाल्टेमा पल्टिदा ११ जना घाईते भएका छन् ।
हिजोसाँझ खेतबाट बिटा लगाएर फर्कने क्रममा पैरेबेशी नजिकै खाल्टेमा बा.अ.अ. १३६० नं को मिनि ट्रक पल्टिदा त्यहाँ सवार सवै घाईते भएका हुन् । लहरेपौवा गाविस ३ बनुवाका एकै परिवारका ११ जना घाईते भएको र आज बिहान स्टार अस्पताल सानेपामा एक जनाको मृत्यु भएको जिल्ला प्रहरी कार्यालयले जनाएको छ । घाईतेहरूको राजधानीको बिभिन्न अस्पतालमा उपचार भैरहेको छ । घाईते १८ वर्षिय सुदिप आचार्यको मृत्यु भएको हो । दिनभरी खेतमा धान बिटा लगाएर परिवारका सवै मिनिट्रकमा घर तर्फ फर्कन लाग्दा दुर्घटना ग्रस्त भएको हो ।
घटनास्थल जिल्ला सदरमुकाम धुन्चेदेखि ४० किमी दक्षिणमा पर्दछ । घाईते हुनेहरूमा ईश्वर आचार्य, हरिप्रसाद आचार्य, विकास आचार्य, संगीता आचार्य, सन्तोष आचार्य, मोदनाथ आचार्य, जनक आचार्य, खिलनाथ आचार्य, रैला आचार्य र ठूलोगाउँका चालक सुवास तामाङ रहेका छन् । घाइतेहरू मध्ये ३ जनाको त्रिबि शिक्षण, ७ जनाको बिएन बि अस्पतालमा उपचार भैरहेको प्रहरीले जनाएको छ । नयाँ अस्थाई नम्बरमात्र लिएको मिनिट्रक पल्टेर ३० मीटर तल त्रिशूली बगरमा पुगेको थियो । दुर्घटनाको करण नखुलेको प्रहरीले जनाएको छ ।
.JPG)
