गोसाँइकुण्ड मार्गमा पर्ने दुग्ध विकास संस्थानको गोसाईकुण्क चिज उत्पादन केन्द्रले मेलामा यस वर्ष चिज बिक्री बढाएको छ ।
यस पटकको मेलामा ४ सय किलो चिज र १ सय ५० किलो वटर (मख्खन) गरी ५ लाख ४० हजार रुपैयाँ बराबरको कारोवार भएको छ । मेलामा गतवर्ष भन्दा बढि चिज बिक्री भएको चिज केन्द्र प्रमुख छत्र तामाङले जानकारी दिए ।
गत वर्ष २० किलो चिज र मख्खन ९ हजार किलो मख्खन उत्पादन गरेको थियो भने यस वर्ष २५ हजार किलो चिज र १२ हजार किलो मख्खन उत्पादन गर्ने लक्ष्य रहेको तामाङले जानकारी दिए ।
चिज प्रतिकिलो १ हजार र मख्खन प्रतिकिलो ७ सय रुपैयाँमा बिक्री गरिरहेको छ ।
उच्च हिमाली क्षेत्रको स्वादिलो याक चिज मन पराएर यहाँ आउने तीर्थ यात्रीले किनेर लैजाने गरेको स्थानीय पर्यटन ब्यावसायी पासाङघ्युर्मी तामाङले जानकारी दिए ।