साउन ३२, धुन्चे, रसुवा ।
रसुवाको धैबुङ, लहरेपौवा, राम्चे र भोर्लेमा रहेका ग्रामीण अपाङ्गता समन्वय समितिको वार्षिक कार्य समीक्षा धुन्चेमा सम्पन्न भएको छ । चार गाविसमा रहेका बाल अपाङ्गता रोकथाम तथा पुनस्र्थापनाका लागि सञ्चालन गरिएको उक्त कार्यक्रममा करूणा फाउण्डेसन, गाविस तथा जिल्ला विकास समितिको सहयोग रहेको कार्यक्रममा बताईएको छ ।
रसुवाको धैबुङ, लहरेपौवा, राम्चे र भोर्लेमा रहेका ग्रामीण अपाङ्गता समन्वय समितिको वार्षिक कार्य समीक्षा धुन्चेमा सम्पन्न भएको छ । चार गाविसमा रहेका बाल अपाङ्गता रोकथाम तथा पुनस्र्थापनाका लागि सञ्चालन गरिएको उक्त कार्यक्रममा करूणा फाउण्डेसन, गाविस तथा जिल्ला विकास समितिको सहयोग रहेको कार्यक्रममा बताईएको छ ।
चार गाविसमा आर्थिक वर्ष ०६८/०६९ मा भएको २६ लाख ८० हजार ३१ रूपैंयाँ खर्च भएको र आगामी वर्षका लागि १८ लाख ६७ हजार ३ सय रूपैंयाँको कार्ययोजना प्रस्तुत गरिएको छ । उक्त कार्यक्रममा गाविस तथा जिल्ला विकासको सहयोग जुटाउने र प्रस्तावित कार्यक्रममा ८ लाख ७७ हजार ३ सय रूपैंयाँ करूणा फाउण्डेसनले उपलब्ध गराउने फाउण्डेसनकी कार्यक्रम संयोजक पुष्पा थापाले बताईन् ।
कार्यक्रम अन्तर्गत चार गाविसमा विभिन्न अपाङ्गता भएका ११८ जना बालबालकालाई स्वास्थ्योपचार, फिजियोथेरापी तथा सहयोग सामग्री सहयोग गरिएको राम्चे गाविसका सहजकर्ता दावाफूर्पा तामाङले जानकारी दिए ।
कार्यक्रम जिल्ला अपङ्गता समन्वय समितिका संयोजक तथा सहायक प्रमुख जिल्ला अधिकारी गौतम रिमालको अध्यक्षतामा सम्पन्न भएको थियो ।