बृद्धिम र टिमुरेलाई खुल्ला दिशामुक्त बनाउने तीव्र तयारीमा

धुन्चे, साउन ११ । सन् २०१५ सम्ममा रसुवालाई खुल्ला दिशामुक्त बनाउने अभियान अन्तर्गत बृद्धिम गाविसलाई खुल्ला दिशामुक्त बनाउन अभियान तीव्र पारिएको छ । जिल्ला विकास समिति, जिल्ला खानेपानी सरसफाई तथा स्वच्छता समन्वय समितिले बृद्धिम गाविसलाई यही साउन ३१ गते खुल्ला दिशशाशमुक्त गाविस घोषणा गर्ने तयारी गरिरहेको छ ।

बृद्धिम गाविसलाई रसुवाकै पहिलो खुल्ला दिशामुक्त गाविस बनाउनको लागि आवश्यक पूर्व तयारी भईरहेको बताईएको छ । बृद्धिम गाविसमा १ सय ९३ घरधूरीमध्ये ५२ घरधूरीमा अभियान पूर्व नै शौचालय निर्माण भएको र अभियानका क्रममा ४८ घरधूरीमा शौचालय बनिसकेको स्थानीय विकास अधिकारी तथा जिल्ला सरसफाई तथा स्वच्छता समन्वय समितिका संयोजक ज्ञानराज पाण्डेले बताउनु भयो । बाँकी रहेका ५७ घरधूरी शौचालय निर्माण प्रकृयामा रहेका पनि पाण्डेले जानकारी दिनुभयो ।

बृद्धिम गाविसमा अभियान सञ्चालन पूर्व तथा सञ्चालनको अवधिमा शशौचालय निर्माण गर्ने तथा निर्माणका प्रकृयामा रहेका घरधूरी वडा अनुसार यसप्रकार रहेको छ ।

वडा	जम्मा घरधूरी	अभियान पूर्व शौचालय बनेका घरधूरी	हाल निर्माण भईरहेका घरधूरी	प्रक्रियामा रहेका घरधूरी
१	42	5	12	25
2	10	7	3
3	20	13	7
4	19	8	5
5	14	5	5	4
6	20	7	4	9
7	48	4	4	10
8	11	3	4	4
9	9	0	4	5
जम्मा	193	52	48	57

त्यसैगरि टिमुरे गाविसलाई पनि छिट्टै खुल्ला दिशामुक्त गाविस घोषणा गर्ने तयारी रहेको पनि बताईएको छ । टिमुरेमा रहेका १ सय २४ घरधूरी मध्ये ७० घरधूरीमा अभियान पूर्व नै शौचालय बनिसकेको पाईएको छ भने अभियानका क्रममा ५ घरधूरीमा शौचालय निर्माण गरिसकिएको छ । दश घरधूरीमा निर्माण प्रकृया अघि बढाईएको छ भने ४० घरमा बन्न बाँकी रहेको बताईएको छ ।

सो अभियानका लागि जिल्ला विकास समिति, जिल्ला खानेपानी सरसफाई तथा स्वच्छता समन्वय समिति तथा सुआहारा कार्यक्रमले सहजीकरण गरिरहेका छन् । प्रत्येक घरधूरीमा शौचालय निर्माण तथा प्रयोगका लागि जनचेतना विस्तार गर्ने तथा उनीहरूको वर्गीकरण गरी शौचालय निर्माणका लागि आर्थिक वा भौतिक सहयोग गर्ने पनि जानकारी दिइएको छ ।

अति विपन्न परिवार जो ब वर्गमा पर्छन् उनीहरूलाई प्यान, पाईप, जस्तापाता, सिमेन्ट र रड ख वर्गका गरिवलाई प्यान, पाईप र सिमेन्ट  तथा ग वर्गका गरिव परिवारका लागि प्यान र पाईप उपलब्ध गराउने पनि बताईएको छ ।

रसुवाका १८ रै गाविसलाई सन् २०१५ सम्ममा खुल्ला दिशामुक्त घोषणाको तयारीका लागि आम नागरिक, सरकारी तथा गैरसरकारी संघसंस्थालगायत जिल्लास्थित विभिन्न जलविद्युत कम्पनीहरूलाई आ–आफ्नो क्षेत्रबाट सहयोग पु¥याउन पनि जिल्ला खानेपानी सरसफाई तथा स्वच्छता समन्वय समितिले अनुरोध गरेको छ ।