धुन्चे, रसुवा
रेडपाण्डाको छाला सहित अबैध सामान चोरी निकासी गर्न लागेको अवस्थामा रसुवाका एक जना पक्राउ पक्राउ परेका छन् ।
जिल्लाको उत्तरी चीनको सिमानाकासँग जोडिएको टिमुरे गाविस–९ का ४५ वर्षिय सोनामछिरिङ घलेलाई उनकै घरमा प्रहरीले अबैध सामान लुकाएर राखेको सुचनाका आधारमा छापा मार्दा अबेध सामाग्री सहित उनलाई गिरफ्तार गरेको हो । सुराकीको आधारमा नारायण दल गण तथा लाङटाङ राष्ट्रिय निकुञ्जका गस्ती टोलीले पक्राउ गरी अनुसन्धानको लागि हिरासतमा राखिएको छ ।
उनको घरबाट विश्वमा नै दुर्लभ मानिएको रेडपाण्डाको छाला एक थान, अन्य बन्य जन्तुको छाला ३ थान , वन्यजन्तुको छाला ९ टुक्रा , वन्यजन्तुको हड्डी ६, बन्यजन्तुको खुर ३, बन्यजन्तुको सिङ ७, बन्यजन्तुको खप्पर १ रक्तचन्दन गोलिया १ र जडिबुटी ५०० ग्राम सहित पक्राउ गरिएको निमित्त प्रमुख संरक्षण अधिकृत भुमिराज उपाध्यायले जानकारी दिनुभयो ।
‘निकुञ्जको गती तथा नारायण दल गणका गणेश रायमाझीको टोलीले दिउँसो १ बजेतिर अबैध रुपमा लैजान राखिएको सामाग्रीहरु नियन्त्रणमा लिएको हो उपाध्यायले भने ।’
रसुवामा श्रृखलाबद्ध ढंगबाट अबैध रुपमा जडिबुटी तथा रेडपाण्डाको छाला तस्करी हुने गरेको अवस्थामा भेटिने गरेको छ । यस क्षेत्रबाट बिश्वमा नै दुलर्भ रेडपाण्डाको छाला तस्करी निकै बढेको छ ।